Me vetëm 157 raste të konfirmuara të sëmundjes Covid, 21 milionë banorë të qytetit kinez të Chengdu janë futur në karantinë pas një vendimi të autoriteteve kineze, ndërsa pamjet dhe videot e transmetuara nga mediat ndërkombëtare tregojnë imazhe dëshpërimi, kaosi dhe paniku që të kujtojnë një situatë lufte.
Banorët e qytetit janë në dëshpërim. Ata krijojnë radhë të përditshme në supermarkete për të marrë gjërat thelbësore, ndërsa autoritetet kineze vazhdojnë të zbatojnë një strategji të tolerancës zero për t’u marrë me sëmundjen Covid. Të pabesueshme janë imazhet dhe videot që qarkullojnë në rrjetet sociale që paraqesin popullin kinez të luftojnë se kush do t’i marrë më së pari gjërat e nevojshme duke zbrazur raftet e dyqaneve.
BREAKING: Chengdu, China a city of 16+ million people are being locked down, & they’re frantically fighting for food as if they are surviving the apocalypse
sound pic.twitter.com/iJCOL8gr4f
— Wall Street Silver (@WallStreetSilv) September 2, 2022
Siç raporton gazeta “The Sun” në artikullin e saj, 21 milionë banorë të qytetit të Chengdu po përjetojnë një nga bllokimet më të rrepta në botë pasi janë vendosur në izolim të plotë pas zbulimit të vetëm 157 rasteve të reja teksa Pekini vazhdon të ndjekë “politika e zero Covid”. Të shumtë janë qytetarët që mbushin makinat e tyre me mish, oriz, perime dhe vezë sikur po i vjen fundi i botës, siç tregohet nga videot dhe fotot e lidhura me të që shohin dritën e diellit.
Në përpjekje për të justifikuar imazhet e pabesueshme që janë ngarkuar në mediat sociale, një 25-vjeçar banor i Chengdu pohoi se njerëzit kanë rënë në panik pas asaj që ndodhi së fundmi në Shangai, kur u godit nga mungesa e ushqimit gjatë bllokimit. Të enjten, banorët e qytetit kinez të Chengdu u urdhëruan të izolohen nga ora 18:00 me orën lokale dhe të gjithë do të testohen për Covid brenda ditëve të ardhshme.
Some scenes from Chengdu before city-wide lockdown. pic.twitter.com/w6pCgK7gPf
— Manya Koetse (@manyapan) September 1, 2022
Pamjet e lidhura që kanë parë dritën e ditës tregojnë radhë kilometërshe të kinezëve që presin me durim të testohen për Covid në qendrat 24-orëshe. Hyrja dhe dalja nga qyteti është ndaluar me një person nga çdo familje me një test negativ të koronës që mund të dalë çdo ditë për të blerë gjërat e nevojshme.
Sipas mediave shtetërore, fillimi i sezonit shkollor të vjeshtës është “ngrirë” dhe fluturimet janë pezulluar. Pamjet nga qyteti i Chengdu duket se e kthejnë kalendarin në fillim të vitit 2020, kur qyteti kinez Wuhan hyri në një situatë të paprecedentë për të gjithë botën pasi aty ishte vendosur fokusi i virusit korona.
Chengdu city
August 28th 4amResidents in lockdown screaming out the window at night in despair. pic.twitter.com/ToGvrMJvNF
— (@72powpow) August 31, 2022
Vendi më i populluar në botë ka zgjedhur strategjinë “zero dispersion” ose zero-Covid, e cila përfshin zbatimin e masave të rrepta kufizuese në rast të zbulimit të një numri të vogël të rasteve SARS-CoV-2.
Strategjia e “përhapjes zero” ka qenë e suksesshme deri vonë, por që nga shkurti 2022 nuk është vërejtur përhapja e variantit Omicron , konkretisht nëngrupi Omicron 2 (BA.2) që tregon karakteristika të larta infektive dhe evazionit imunitar.